FEF (lda)

L Forskningscentrum för Europeisk Flerspråkighet (F|E|F) é na firma che laora tl ciamp dla linguistica (aplicheda) y dla enrescida soziala. L é sté metù su per dé n coordinament unitar ai trueps laours de enrescida tla soziolinguistica, la linguistica aplicheda, la geolinguistica y l GIS, la linguistica storico-comparativa y la dialetologia, la planificazion y la politca linguistiches, la terminologia y la lessicografia, l’educazion linguistica permanenta, la psicolinguistica y la linguistica computazionala che siei membri à mené ite dal 1995 sot l inom de Centre d’Études Linguistiques pour l’Europe (CELE).

Les ativités dl F|E|F se ouj mascimamenter envers la linguistica y l’enrescida geografica y soziala menedes ite con atenzion particolara a la implementazion de bases de dac y enjigns informatics y envers la investigazion (sozio)linguistica di raions plurilings. Eles vegn realisedes con interes ai contesć soziai y ideologics di fac soziolinguistics conscidrés y eles à gonot l fin de svilupé strategies de utl per identifiché conseguenzes positives y negatives dles politiches linguistiches (esplizites o implizites) sun l plurilinguism y sun i drec linguistics dles popolazions, con n uedl de ahta per l mond dl’educazion. Les ativités dl F|E|F mantegn semper n carater rigorosamenter scientifich y na forta metodologia euristica tl porté lum sun reales situazions politiches, soziales y psicologiches y tl medem temp mira a dé forza soziala y politica a les idees de valivanza, ai drec culturai y linguistics, ai drec de dutes les mendranzes, al plurilinguism, a la multietnizité y al svilup sostegnibel.

L F|E|F tol su enrescidour(e)s spezialisé(de)s per spezifics projec y dal 2019 ofresc l F|E|F praticum a studenc de lingac y de linguistica.